كلية علوم ذوي الإعاقه والتأهيل
 |
| كلية علوم ذوي الاعاقة والتأهيل جامعة الزقازيق |
تم إنشائها ف عام 2017 علي يد الأستاذ الدكتور عادل محمد عبد الله وهو صاحب فكرة انشاء الكلية وهو عميد الكلية حاليا وأول عميد لكلية علوم ذوي الاعاقة والتأهيل
كلية علوم ذوي الاعاقة والتأهيل هي الكلية الأولي والفريدة من نوعها ف مصر والشرق الأوسط كله
ولكن يحدث تشتت هنا بين كلية علوم ذوي الاعاقة والتأهيل و بني سويف وباقي الكليات التي تحتوي علي اقسام تربية خاصة
سوف تعرف الرد علي ذلك السؤال من المميزات التي تقدمها الكلية:
1-كلية علوم ذوي الإعاقه والتأهيل بالزقازيق تخصصها وهدفها الأول والأخير هو تخريج كوادر متخصصه لتأهيل وتعليم الأطفال ذوي الإعاقه بمعني ان الكوادر المتخرجة من الكلية تعاملها مع الأطفال
2- كلية علوم ذوي الإعاقه والتأهيل بالزقازيق لديها برنامجين منفصلين بيخرجوا كوادر متخصصه سواء كانوا أخصائيين لتأهيل الأطفال أو تربويين لتعليمهم
3 لو دخلت قسم اخصائي اخصائي بتكون أخصائي اعاقة محددة ولو تربوي ف انت بتكون معلم ل اعاقة معينه مش زي خريج تربية خاصة ال بيكون معلم صف بيدرس كل المواد للاعاقة المختصه بيها بدون تخصص بمادة علمية محددة
بالنسبه ل بني سويف ف هما
1- بيكونوا كوادر متخصصه ف التعامل مع الكبار من ذوي الإعاقه يعني ال ف المرحلة الثانوية والجامعات+
2-لا يوجد تخصص الأخصائي ولكنهم متساوين معنا في التربوي
اما بالنسبه ل اي مكان تاني فيه تربية خاصة فبيكونوا معلمين صف فقط
تنسيق كلية علوم ذوي الاعاقة والتأهيل
الكلية ف أول عام لها أ2017خذت من مجموع 81‰ أدبي
و89‰ علمي
ف العام الثاني2018 تنسيقها ارتفع ل 90.8٪ ادبي و91.8٪ علمي
عام2019 الكلية اخذت من 93.7 ادبي
و94.6 علمي
اقسام كلية علوم ذوي الاعاقة والتأهيل وتخصصاتها بالتفصيل ؟
الكلية منقسمة ل قسمين
القسم الأول وهو اخصائي وال كان تنسيقه الداخلي ف خلال ال ٣ دفعات ال فاتوا أعلى من تربوي؟
فيه تنسيق داخلي وده بيكون ع حسب رغبة الطلبة
لو طلبة كتير عاوزين يدخلوا أخصائي وهما جايبين مجموع عالي يبئا أخصائي هياخد أعلي
ولو الاقبال ع تربوي من الطلبة أكتر يبئا تربوي هو ال هيكون أعلي
القسم الأول الاخصائي
يوجد فيه 6 اعاقات
اعاقة حركية. اضطراب طيف التوحد. اضطرابات النطق والتواصل ال هو المعروف بالتخاطب. إعاقه سمعية. إعاقة عقليّة. صعوبات تعلم
هتخرج من القسم ده هشتغل إيه او إيه المسمي الوظيفي بتاعي ومكان شغلي هيكون فين؟
حضرتك هتتخرج بمسمي وظيفي أخصائي+الإعاقه ال انت مختص بيها
يعني لو انت خريج قسم توحد ف هيكون مسماك هكذا
أخصائي اضطراب طيف التوحد او لو انت خريج اضطرابات نطق وتواصل هيكون مسماك الوظيفي اخصائي اضطرابات نطق وتواصل
وهكذا
طب هشتغل فين بعد التخرج من كلية علوم ذوي الاعاقة والتأهيل جامعة الزقازيق
؟
حضرتك مكان عملك هيكون محصور ف حاجتين مراكز التأهيل الخاصة بذوي الإعاقة+المستشفيات ولحد علمي الوقت ان اغلب المستشفيات ال فيها الاقسام بتاعتنا بتكون مستشفيات عسكرية ولكن المستشفيات العادية فيها اقسام لينا آيوه فيه والطلبة ال اكبر مننا ال نزلوا التدريب الميداني ال تبع الكلية منهم اتدرب ف مستشفيات ومنهم ف مراكز
احنا كدة نكون عرفنا كل المعلومات الرئيسية عن القسم ف الكلية ومستقبله
بس فيه نقطة مهمه بتختلط عليكم هنا
حضرتك بتفكر انك لما بتدخل قسم اخصائي وبتتخرج من الكلية ان حضرتك ف اللحظة دي طبيب اعاقات
لا ي صديق لازم نقف واقفه محترمه هنا علشان افهمك كام نقطة صغيرة
حضرتك والطبيب بتشتغلوا ف فريق متكامل ومش ينفع حد منكم ولا يقدر يستغني عن التاني
حضرتك ف فريق عملك بيكون مكون من ناس كتيرة
وهما الطبيب البشري واخصائي العلاج الطبيعي واخصائي الاعاقة ال هو حضرتك والاخصائي النفسي وممكم كمان الاخصائي الإجتماعي علشان يبحث الظروف ال متواجد فيها الطفل كلكم بتساعدوا بعض علشان توصلوا بالطفل ل أعلى مرحلة ممكنة
ولكن انت الاخصائي المختص بالاعاقة بيكون ليك الدور الأكبر والأهم ف تحسن حالة الطفل وانت ال بتابع مع الأهل وال بتستمر مع الطفل لغاية ما يوصل ل افضل مرحلة ممكنة
طب بصيغة تانية وهي الصيغة الأكثر شيوعاًايه الفرق بيني كاخصائي تخاطب وبين طبيب التخاطب؟
الفارق ال بينك وبينه انك ما ينفعش تكتب دوا ل الطفل ده لانك مش مؤهل ولا دارس دراسة تخليك تعمل ده+ولو الطفل محتاج اي جراحة او غيره ف حاجه معينه ف لازم تلجأ ل طبيب تخاطب متخرج من كلية طب بشري
طولت عليكم معلش بس كان لازم اوضح ليكم كل حاجه
ندخل ع القسم التربوي خلينا الأول نعرف الأقسام والتخصصات ال موجودةموجود 4 إعاقات ب4 مواد علميةفيه تربوي انجليزي وتربوي عربي وتربوي دراسات وتربوي علوموموجود عندك بردو 4 اعاقات ف تربويسمعي. بصري. صعوبات تعلم. عقلي
طب بتخرج اشتغل ايه او ايه المسمي الوظيفي بتاعي؟ وده زي ما قولنا بيخرج حضرتك معلم ل اعاقة معينه مش معلم صف لا انت بتكون مختص باعاقة محددة+ان معاك مادة علمية
بتشغتل فين؟ ده بيكون ف مدارس الدمج والاعاقات زي النور للمكفوفين والامل للصم والبكم والفكرية للمعاقين عقلياً وهكذاطب فيه سؤال مهم جداً هنا هل انا اقدر لما اتخرج من تربوي اكون اخصائي؟ ايوه لو حضرت دبلومات وكملت ف الكلية تقدر تكون اخصائي طب الاخصائي ينفع يكون تربوي؟ لا مش ينفع
آخر حاجه وأهم حاجه بئا انا لما اتخرج فعلاً هلاقي فُرص شغل؟ آيوه هتلاقي انت حتي من وانت طالب بتشتغل ولما هتدخل الكلية إن شاء الله هتلاقي ناس اكبر منك بيشتغلوا ف مراكز ومكانتهم هناك عظيمة لانك بتتعامل فعلياً كمختص وبتدي جلسات وبتعمل كل حاجه وبعد التخرج هتلاقي مليون مركز بيتمناك لان نفسهم اصحاب المراكز دول بيسعوا بكل قوتهم انهم يدرسوا عندنا ف الكلية
ولو فتحت مركزك الخاص ف انت هتكون من اوائل المختصين ف المجال ال فتحوا مراكز فعلاً مختصه مش زي المراكز ال موجودة حاليًا
بس بما انك عرفت كل حاجه عن الكلية خليني اقولك حاجه عن المجال ال هشتغله بعد كدة
الموضوع مش سهل ف الشغل بعدين انت ممكن تفضل تشتغل بالسنه والاثنين مع نفس الحالة علشان توصل ل نتيجة مرضية بس انا عاوزاك تتخيل فرحة الام وهي جايالك وبتقولك انت الوحيد ال قدرت تساعد ابني تخيل كمية الفرحة والدعا وانك كنت سبب ف ان انسان يعيش حياته بشكل طبيعي زي وزيك المجال إنساني من الدرجة الأولى قبل أي حاجه فعلاً
و قبل كل ده انت هتكون أد القسم ووعد الشرف ال هتقوله وانت متخرج؟
أُقسم بالله العظيم، واتعهد بكل قيمة إنسانية عُليا، أن أكون عونًا لكل طفل يحتاج للعون، يدهُ حتى يَقبض، وقدمهُ حتى يمشي، وعينه حتى يرى، وأُذنه حتى يسمع، وعقله حتى يُدرك، وأن أبذل في سبيل ذلك الوقت والجهد، بما أوتيت من علم، والله على ما أقول شهيد.
الموقع الرسمي لكلية علوم ذوي الاعاقة والتأهيل جامعة الزقازيق:يرجي الضغط هنا للتوجه اليه
الصفحة الرسمية لكلية علوم ذوي الاعاقة والتأهيل يرجي الضغط هنا
الجروب الرسمي لكلية علوم ذوي الاعاقة والتأهيل يرجي الضغط هنا
تعليقات: 0
إرسال تعليق